Published Date: 2024-05-15
Expiry Date: 2024-05-18
आम्दा नेपाल
सिद्धार्थ बाल तथा महिला अस्पताल
बुटवल-७, दीपनगर, रूपन्देही
साप्ताहिक गतिविधि
सिद्धार्थ बाल तथा महिला अस्पताल
बुटवल-७, दीपनगर, रूपन्देही
साप्ताहिक गतिविधि
प्रकाशन मितिः २०८१।०१।३२ गते, सोमवार
अवधिः वि.सं. २०८१।०१।२३ देखि २०८१।०१।२९ गतेसम्म (ई.सं. २०२४, १९औं हप्ता) ।
साप्ताहिक अंक: १९/२०२४
१. अन्तर्राष्ट्रिय नर्स दिवसमा आयोजित विभिन्न कार्यक्रममा सहभागिता
मे १२ मा पर्ने अन्तर्राष्ट्रिय नर्स दिवस विभिन्न कार्यक्रम आयोजना गरेर/सहभागिता जनाएर मनाइयो ।
क. मिति २०८१/०१/२४ गतेका दिन सिद्धार्थनगर सिटि हस्पिटलद्वारा आयोजित वक्तृत्वकला तथा हाजिरीजवाफ प्रतियोगितामा सि.बा.म. अस्पतालको सहभागिता भई वक्तृत्वकला प्रतियोगितामा तृतीय स्थान प्राप्त ।
ख. मिति २०८१/०१/३० गतेका दिन आम्दा स्वास्थ्य विज्ञान प्रतिष्ठानद्वारा अन्तर्राष्ट्रिय नर्स दिवस विशेष कार्यक्रम आयोजित गरियो र सोहि दिन सि.बा.म. अस्पतालका नर्सहरूद्वारा पनि दिवस विशेष कार्यक्रमको आयोजना भयो ।
२. आम्दा-नेपाल सिद्धार्थ बाल तथा महिला अस्पतालमा ‘अपरेशन थिएटर व्यवस्थापन सम्बन्धी तालिम’ शुरुवात
मिति २०८१/०१/२६ गतेका दिन आम्दा-नेपाल सिद्धार्थ बाल तथा महिला अस्पतालमा ‘अपरेशन थिएटर व्यवस्थापन सम्बन्धी तालिम’ शुरुवात भयो । सि.बा.म. अस्पतालका मे.सु. डा. बिनोद कुमार पराजुलीज्यूको अध्यक्षतामा संचालित यस ४२ दिने तालिमको उद्घाटन सत्रमा लुम्बिनी प्रदेश स्वास्थ्य तालिम केन्द्र प्रमुख श्री महेश्वर श्रेष्ठ, उप-प्रमुख श्री भुवन कुँवर, सि..बा.म.अस्पतालका मेट्रोन श्री सुशिला विश्वकर्मा र प्रशासक श्री खगेन्द्र क्षेत्री उपस्थित रहनुभएको थियो । मिति २०८१/०१/२६ गतेदेखि ४२ दिनसम्म संचालन हुने उक्त तालिम श्री राधा हेमचुरीज्यूको संयोजकत्वमा संचालन हुनेछ भने श्री धनिसरा कंवर, श्री भोजकुमारी भुषाल र श्री रमी थापा प्रशिक्षकको रूपमा रहनुभएको छ ।
३. आम्दा स्वास्थ्य विज्ञान प्रतिष्ठानका नर्सिंग प्रमाण-पत्रका विद्यार्थीहरूको सामुदायिक अध्ययनको प्रस्तुतीकरणमा सहभागिता
मिति २०८१ बैशाख २८ गतेका दिन आम्दा-नेपाल सिद्धार्थ बाल तथा महिला अस्पताल, आम्दा स्वास्थ्य विज्ञान प्रतिष्ठानमा अध्यनरत नर्सिंग प्रमाण-पत्रका विद्यार्थीहरूले गरेको एक महिने सामुदायिक अध्ययनको प्रस्तुतीकरण गरे । नर्सिंग प्रमाण-पत्र तहमा अध्ययनरत विद्यार्थी श्री दुर्गा पाण्डेज्यूको अध्यक्षतामा संचालित उक्त प्रस्तुतीकरण कार्यक्रमको प्रमुख अतिथि सिद्धार्थ बाल तथा महिला अस्पतालका मे.सु. डा. बिनोद कुमार पराजुली रहनुभएको थियो । देवदह-१० का वडाध्यक्ष, सि.बा.म. अस्पतालका मेट्रोन लगायतको उपस्थितिमा सम्पन्न उक्त कार्यक्रममा स्थानीय गाउँबासीको उल्लेख्य सहभागिता रहेको थियो । विद्यार्थीहरूले देवदह-१० स्थित चरंगेको ३ नम्बर टोलमा विगत एक महिनादेखि अध्ययन गरेका थिए ।
४. विभागीय प्रमुखहरूको साप्ताहिक बैठक
प्रत्येक सोमवार दिउँसो २:३० बजे बस्ने विभागीय प्रमुखहरूको साप्ताहिक बैठक मिति २०८१/०१/२४ गतेका दिन बस्यो । बैठकमा सबै विभागीय प्रमुखहरूले सप्ताहभर आ-आफ्नो विभागमा भए गरेका गतिविधि र प्रस्तुतीकरण गर्नुका साथै देखिएका समस्याहरू समेत साझा गर्नुभयो र सामूहिक रूपमा समाधानका विकल्पहरूका सम्बन्धमा छलफल भयो ।
धन्यवाद !
तस्विरहरू:
 |
 |
 |
| अन्तर्राष्ट्रिय नर्स दिवसका अवसरमा आयोजित विभिन्न कार्यक्रमहरू आम्दा स्वास्थ्य विज्ञान प्रतिष्ठानको कार्यक्रममा मे.सु. डा. बिनोद कुमार पराजुलीज्यू - सि.बा.म. अस्पतालमा दिवस मनाइंदै - सिद्धार्थनगर सिटि हस्पिटलद्वारा आयोजित वक्तृत्वकला प्रतियोगितामा प्राप्त तृतीय पुरस्कार | ||
 |
 |
|
| २०८१/०१/२६ गतेदेखि ४२ दिनसम्म संचालन हुने ‘अपरेशन थिएटर व्यवस्थापन सम्बन्धी तालिम’को उद्घाटन सत्रको दृश्य | ||