आम्दा नेपाल
जोरपाटी, गोकर्णेश्वर, काठमाण्डौं 
साप्ताहिक गतिविधि

आम्दा नेपाललेस्वास्थ्य विज्ञान प्रतिष्ठान, दमकको तेश्रो तला निर्माणका लागी वि.सं. २०८१।०१।२१ गते प्रकाशन गरेको सुचना नं. ९९०१ को सन्दर्भमा इच्छुक बोलपत्रदाताहरूका लागी वि.सं. २०८१।०१।३१ गते प्रि विड बैठक सम्पन्न भएको छ ।

वि.सं. २०८१।०१।१९ गते सम्पन्न कार्यकारिणी समिति बैठकको निर्णयानुसार आम्दा नेपालका मुख्य प्रशासक सुदेश रेग्मीलाइ २०८१।०२।०१ गते देखी लागु हुने गरी कार्यक्रम निर्देशक पदमा पदस्थापन सहित जिम्मेवारी तोकिएको छ ।

आम्दा नेपालले गोकर्णेश्वर नगरपालिकाको सहयोगमा सञ्चालन गर्दै आएको स्तन तथा पाठेघर मुखको क्यान्सर परिक्षण परियोजना मार्फत स्वास्थ्यकर्मीहरूको क्षमता विकाशका लागी CCSP/Thermal Ablation तालिम सञ्चालन गर्न लागेकोमा सहभागितका लागी मनोनयन गरी पठाइदिन नगरपालिका लाइ वि.सं. २०८१।०२।०१ गते अनुरोध गरिएको छ ।

आम्दा नेपालले वि.सं. २०८१।०१।११ गते प्रकाशन गरेको सुचना वमोजिम रितपूर्वक प्राप्त बोलपत्रहरू वि.सं गते खोलिएकोमा सारभुतरूपमा योग्य बोलपत्रदाता श्री वर्ड डिस्ट्रिवुसन प्रा.लि. प्रस्ताव वि.सं. २०८१।०२।०१ गते छनौट गरी जम्मा रू. १२,२२,६६०।०० मूल्यका कार्यालय उपकरण खरिद गर्ने व्यवस्था भएको छ ।

आम्दा नेपालले कोशी प्रदेशका झापा, मोरङ्, सुन्सरी र इलाम जिल्लामा सञ्चालन गर्दै आएको इपिक परियोजनाको अनुगमन मूल्याङ्कनका क्रममा समाज कल्याण परिषद् बाट खटिएको टोलीले वि.सं. २०८१।०२।०४ र ०५ गते परियोजनाको स्थलगत निरिक्षण सम्पन्न गरेको छ । परियोजनाको स्थलगत निरिक्षणमा समाज कल्याण परिषद्बाट निर्देशक श्री दिपेन्द्र पन्त र आम्दा नेपालका कार्यक्रम निर्देशक श्री सुदेश रेग्मी समेत सहभागी रहनु भएको थियो ।

आम्दा नेपालले गोकर्णेश्वर नगरपालिकाको सहयोगमा सञ्चालन गर्दै आएको स्तन तथा पाठेघर मुखको क्यान्सर परिक्षण परियोजना मार्फत वि.सं. २०८१।०२।०५ गते वडा नं. ३ स्थित त्रिपुरा विद्यालय, बालुवा परिक्षण शिविर सम्पन्न भएको छ ।

वि. सं. २०८१।०२।०७ गते सम्पन्न नियमित साप्ताहिक समिक्षा बैठकमा निम्नानुसार छलफल र निर्णयहरू गरिएको छ ।